Мойнуна дөңгөлөк илинип кор болгон аялдын тосмо арызына карабай тергөө уланат

Социалдык тармактар аркылуу тараган аялынын мойнуна дөңгөлөктөрдү илип, үстүнөн суу куюп, уруп жаткан эркектин видеосу элдин эсин эки кылды. Тилекке каршы жумурай журтка уят кылганына, ошончо кордук көрсөткөнүнө карабай жабырлануучу тосмо арыз жазып берди.
Бул тууралуу Жалал-Абад облустук милициянын маалымат катчысы Нурдин Жээнтаев билдирди. Анын айтымында аялдын тосмо арызына карабай тергөө уланууда.

"Жабырлануучу аялдын арыз жазганына карабай тергөө иштери уланууда. Иш тергелип бүткөн соң сотко өткөрүлөт. Шектүү Сузак райондук ички иштер бөлүмүнүн убактылуу кармоочу жайында", — деди Жээнтаев.