Зиядин Жамалдинов: "Улуттук банк дегенден уяласың, банктын ремонту жок"

Жогорку Кеңештин депутаты  Зиядин Жамалдинов бүгүн, 3-майда жыйында "Улуттук банк, банктар жана банк иштери жөнүндө” мыйзамына өзгөртүү киргизүү тууралуу” мыйзам долбоору каралып жаткан учурда Улуттук банктын имаратын сынга алып, жаңы имаратын курууну сунуштады.

"Улуттук банктын жаңы бир имаратын курууга болбойбу? Бул багытта иш жүрүп жатабы?", - деп сурады депутат.
Улуттук банктын төрагасы Толкунбек Абдыгулов: "Киев-Калык Акиев көчөлөрүнүн кесилишинде бүтпөгөн имарат бар. Учурда акыркы этапка жеттик. Макулдашуулар бүткөндөн кийин имаратты куруп баштайбыз", - деп жооп берди.
Депутат жаңы имарат куруу керектигин сунуштап: "Улуттук банктын сыртынын ремонту жок. Улуттук банк деп айткандан уяласың", - деди.