Карантин алынгандан кийин Казакстанда вирус жуктургандар 80%га өстү

Карантин алынаары менен вирусту жеңип алгандай кубанып, санитардык талаптарды аткарбай, беткап кийбей жүргөн жарандардын айынан Казакстанда вирус жуктургандардын саны 80%га өскөндүгү маалым болду. Бул тууралуу Coronavirus2020.kz. монитордук ресурсу маалымдады. 

Расмий маалымат боюнча, акыркы суткада республикада 356 адам коронавирус инфекциясын жуктуруп алган.  Жаңы жуктургандардын көбү Алмата шаарында. Алматыда 83, Нур-султанда 48, Батыш-Казакстан областтарында 51, Мангистау областында 40, Карагандада 34, Шамкентте 32, Чыгыш-Казакстан областтарында 21, Атырауда 21 учур катталды. 

Казакстандын саламаттык сактоо министри Елжан Биртанов, Республикада Өзгөчө абал алынгандан кийин  COVID-19 менен ооругандар эмгек коллективдеринде жана мекемелерде өтө кескин өстү деп билдирген.