Балдар онкологиясынан 80 адамдан коронавируска анализ алынып, баары таза чыкты

Жакшы кабар...Онкология жана гематология боюнча улуттук борбордун балдар бөлүмүндө дагы 80 адамдан коронавируска анализ алынып, баарыныкы таза чыкты. Бул тууралуу 25-майда борбордун жетекчиси Эрнис Тилеков маалымат булактарынын бирине билдирди.

Анын айтымында, коронавирус жуккан балдардын жана аларды карап жаткан энелердин абалы жакшы.

«Балдарда клиникалык жактан байкалган жок. Абалы жакшы. Оорлогон учурлар жок. Негизги оорусуна байланыштуу дарыланып жатышат. Мурдагы күнү 80 киши анализ тапшырды, баарыныкы таза чыкты. Бүгүн дагы 80ди алып жатабыз», - дейт Тилеков. 

Балдар онкологиясы бөлүмүндө коронавируска байланыштуу адегенде 120 адамдан анализ алынып, анын жыйынтыгында бул ооруканада дарыланып жаткан сегиз бала, үч эне, бир дарыгер, эки медайымдан жаман вирус табылганы 21-майда маалым болгон.