Бүгүн, 8-майда, Улуттук онкология жана гематология борборундагы бир медицина кызматкеринен коронавирус аныкталды. Бул тууралуу Республикалык штабдан кабарлашты.
Маалыматка ылайык, коронавирус аныкталган медик менен жакын байланышта болгон башка кызматкерлер такталып, баарынан анализ алынды.
"Дарыгер акы төлөнбөгөн эмгек өргүүсүндө болуп, бейтаптарды кабыл алган эмес. Саламаттык сактоо министрлигинин буйругуна ылайык, ооруканада 10-майга чейин пландалган бейтаптарды кабыл алуу токтоду", — деп айтылат маалыматта.
Дезинфекциялык иштер жүргүзүлгөндөн кийин оорукана штаттык тартипте иштей баштай турганы айтылды.
