Аида Касымалиева: «Дарыгерлердин медициналык коргонуучу кийимдери сатылып жатат»

Жогорку Кеңештин вице-спикери Аида Касымалиева бүгүн 14-майда парламентте дарыгерлерге бөлүнгөн коргонуучу кийимдер жана респираторлор сатылып жатканын, аны айрым ооруканаларда медицина кызматкерлери өздөрү сатып алып жатышканын айтып чыкты. 

Бул боюнча: «Медицина кызматкерлерине коргонуучу каражаттарды бөлүштүрүүчү комиссияда мен да мүчөмүн. Бизге өкмөт медицина кызматкерлерине коргонуучу каражаттар үч айга чейин жетиштүү деп маалымат беришкен. Андай болсо эмне үчүн айрым ооруканаларда медицина кызматкерлери коргонуучу кийимдерди, респираторлорду өздөрү сатып алып жатышат? Ошол эле учурда интернетте коргонуучу кийимдер менен респираторлор сатылып жатат. Гуманитардык жардам катары келген бул каражаттар кандай жол менен сатыкка чыгып кетип жатат?» - деп жар салды…