Ош шаарында өзгөчө абал режими алынары менен көчөгө чыккандар көбөйүп, жаштар түнкүсүн чогула баштады. Бул тууралуу брифинг учурунда шаар мэри Таалайбек Сарыбашов билдирди.
"Өзгөчө абал аягына чыгары менен көчөдө жай турмуш убагындай эле чыгып алышты. Түнкүсүн көчөдө жаштар көп. Шаар тургундарын үйдө отуруп, сак болууга чакырат элек, коркунуч жоюла элек”, — деди Сарыбашов.
Ошондой эле ал облустун райондорунда жашаган жарандарды олуттуу себепсиз Ош шаарына келбей туруусун өтүндү.
