Жаза аткаруу мамлекеттик кызматы (ЖАМК) учурда камакта отурган саясатчылардын, коомдук ишмерлердин коронавируска алынган анализдердин баары таза чыкканын маалымдады.
Мекеменин маалыматына караганда, 12-майда Равшан Жээнбековдон, Фарид Ниязовдон, Фархат Баабиевден, Сапар Исаковдон, Карыпбек уулу Рысбектен, Канат Осмоналиевден, Мээрбек Мискенбаевден жана Канат Сагымбаевден коронавируска анализ алынган.
Буга 8-майда Бишкектеги №1 тергөө абагынын бир кызматкеринен COVID-19 илдети табылганы себеп болгон. Мамлекеттик жаза аткаруу кызматы абакта абал туруктуу деп, кооптонууга негиз жок экенин билдирген.
