Чек арадагы чыр-чатак учурунда жараат алган бир адам каза болду

Баткен облусундагы кыргыз-тажик чек арасындагы чыр-чатак учурунда жараат калган бир адам каза болду. Бул тууралуу 29-апрелде Саламаттык сактоо жана социалдык өнүктүрүү министрлиги билдирди.
 
Маалыматка ылайык, жараат алган маркум Баткен облустук ооруканасына келип түшкөн, абалы оор болгон. Дарыгерлердин көрсөткөн жардамына карабай, ал каза болуп калган.
 
Кыргыз-тажик чек ара чырында жараат алгандардын жалпы саны 17ге жетти. Анын ичинен эки адамдын абалы оор экени айтылган.