Аида Исмаилова: «Медицина кызматкерлердин жетишсиздиги өнүккөн өлкөлөрдө да болуп жатат»

Бүгүн, 3-июлда вице-премьер-министр Аида Исмаилова онлайн-брифингде учурунда медицина кызматкерлеринин жетишсиздиги медицинасы эң өнүккөн өлкөлөрдө да болуп жатканын жана биздин санитардык-эпидемиологиялык кызматтын абалы мышык ыйлай турган абалда экенин айтты.
 
«Көп жылдан бери Санитардык-эпидемиологиялык кызматка тиешелүү көңүл бурулган эмес, ошол себептен анын абалы мышык ыйлай турган абалга келген. Мындан улам биздин өлкөдө бул вирус менен күрөшүү 2 эсе кыйын болуп турат. Кадрлар да жетишпейт, медициналык жабдыктар боюнча көп көйгөйлөр бар. Ошондой абалда бизге вирус менен күрөшүүгө туура келип жатат, азыр биз адистерди, жабдыктарды, керектүү каражаттарды камсыздоого болгон аракеттерди көрүп жатабыз", - деди Исмаилова.