Жогорку Кеӊеште мурдагы министр Чолпонбаевди жоопко тартуу маселеси көтөрүлдү…

31-мартта кызматынан бошотулган Саламаттыкты сактоо министри Космосбек Чолпонбаевди оорунун жайылып кетүүсүнө жол бергени үчүн жоопко тартууну Жогорку Кеңештин депутаты Каныбек Иманалиев парламентте көтөрдү.

Бул туурасында Иманалиев: “Бизде азыр согуштук кырдаал, өзгөчө абал жарыяланып отурат. Ушундай шартта шалаакылык кылып, тиешелүү деңгээлде иш алып бара албай, оорунун жайылып кетүүсүнө жол берди деп кылмыш жоопкерчилигине тарткыла. Прокуратура иликтесин, иштесин. Бул кийинки министрлерге, орун басарларына да сабак болушу керек. Азыр бизди вирус эмес, кайдыгерлик, шалаакылык жок кылат”- деп айтты.