Ош шаарында жол кире кымбаттады

 
Ошто кичи автобустардын тарифтери көтөрүлдү. Бул тууралуу муниципалитеттин басма сөз кызматы билдирди.
 
Анын айтымында, мындай чечимди бүгүн Ош шаардык кеңешинин депутаттары кезексиз сессияда кабыл алышты.
 
Жол кире күндүзү 15 сомго, ал эми саат 19.00дөн 21.00гө чейин 20 сомго чейин көтөрүлдү. Мектеп окуучулары үчүн эски тариф кала турган болду. Жаңы тариф 1-декабрдан тарта күчүнө кирет.
 
Мэрия коомдук транспорттордо жол кире баасы мурунку бойдон калганын белгиледи.