Мэр токтобос болду. Мэриянын алдында кайрадан митинг өттү

Бишкек мэриясынын алдында кайрадан нааразылык акциясы өттү. 30 чакты адам чогулуп, мэрдин милдетин аткарууга жаңы адам дайындалышы керектигин айтып жатышат. Колдоруна  "Мэрликке Руслан Тагаев татыктуу" деген жазууларды кармап алышкан.

10-февралда өкмөт башчы Улукбек Марипов Бишкек шаарынын мэринин милдетин аткаруучу тууралуу чечимин бир күндөн кийин жокко чыгарып, бул кызматка жаңы мэр шайланганга чейин Бактыбек Кудайбергеновду дайындады.

Өкмөттүн расмий сайтындагы 10-февралдагы маалыматка караганда, Мариповдун чечими менен Эрмек Нургазиевди мэрдин милдетин аткаруучу катары дайындоо тууралуу 9-февралдагы чечим жокко чыгарылды.