Кинотеатрлар 1-декабрдан баштап иштеп баштайт

     
Бишкек шаарындагы кинотеатрлар 1-декабрдан тарта иштеп баштайт. Бул тууралуу мэрдин милдетин аткаруучу Балбак Түлөбаев билдирди.
 
Маалыматка ылайык, мэрдин милдетин аткаруучу Балбак Түлөбаев  кинотеатрларды ачуу сунушун  Республикалык штабга берген, алар сунушту карап көрүп, театрларды ачууга  уруксат беришкен. Бирок кинотеатрларга санитардык талаптарды сактоо талабы жана көрүүчүлөр залдын 50 пайызына гана толушу керек деген шарттар коюлган. 
 
Ошондой эле, Түлөбаев шаардагы соода-борборлорундагы тамак-аш саткан жайлар да ачыла турганын,  мектеп, бала бакчаларды эске албаганда акырындык менен шаардагы чектөөлөр алынарын, тойканаларга өзүнчө алгоритм киргизилерин кошумчалады.