Садыр Жапаровдун тарапташтары элди кайрадан митингге чыгууга чакырышууда

Өлкө башчысы Сооронбай Жээнбеков Садыр Жапаровду премьер-министрликке бекитүү боюнча токтомду Жогорку Кеңешке кайтарып бергенден бери Садыр Жапаровду колдогондор тынч эмес.

Алар кечээтен бери социалдык тармактарга бүгүн, 14-октябрда кайрадан митингге чыгаары тууралуу билдирүүлөрдү байма бай таратышууда. Арымдары аймактардан атайын камдалган эл борборду көздөй чыкканын айтышса, кээ бирлери элди ачык эле эски аянтка чакырып жатышат.