Бишкекте Атамбаевди колдогондор жана каралагандар митингге чыгышты

Бишкектин Биринчи май райондук сотунун алдында мурдагы президент Алмазбек Атамбаевди колдогондор жана каршы чыккандар митингге чыгышты. Алар "Атамбаев жана аны менен кошо камалгандардын күнөөсү жок, алар акталсын" деген талап коюшту. Ал эми каршы чыккандар   «Алмазбек Атамбаев командасы менен камалсын!» деп кыйкырып турушат.

Митингдин катышуучусу, «Мээр жазы» фондунун төрайымы Ыргалай Бекмуратова "Атамбаев бийликте турган кезде жасаган кылмыштары үчүн жоопко тартылышы керек" деп айтты.

Парламент депутаты Ирина Карамушкина "Атамбаевге каршы митингдин артында бийлик турат" деген пикирин билдирди.
Соттун имаратынын алдына милициянын кошумча күчтөрү келди.