Кыргызстандын футбол боюнча курама командасы акыркы орунду ээледи

Кыргызстандын футбол боюнча улуттук курама командасы Өзбекстанда өткөн эл аралык турнирде 4-орунга ээ болду.
 
Турнир 25-29-март күндөрү Наманганда төрт команданын – Өзбекстан, Кыргызстан, Тажикстан жана Уганданын катышуусунда өттү.
 
Командалар жарым финалдык жуптарга бөлүнүштү. 25-мартта Кыргызстандын курама командасы Өзбекстан менен беттешип, 65 мүнөттө 1:3 эсебинде утулуп калган.
 
29-мартта Кыргызстандын курамасы Тажикстандын курама командасы менен 3-орун жана коло медаль үчүн беттеште беттешти. Беттеш 1:0 эсебинде Тажикстандын курама командасынын пайдасына аяктады.
 
Жыйынтыктоочу протоколдо Кыргызстандын курама командасы финалдык 4-орунду ээледи. Турнирдин жеңүүчүсү болуп Өзбекстандын командасы аталды.