Назбийке Абаева жаштар арасындагы Азия чемпионатында коло медаль тагынды

Кыргызстандык спортчу Назбийке Абаева Иорданияда өткөн бокс боюнча жаштар арасындагы Азия чемпионатында коло медаль тагынды.
 
Турнир ушул күндөрү Амманда өтүп жатат.
 
Абаева 52 кг салмакта күч сынашып, жалпысынан 4 спортчу менен күч сынашкан. 8-марттагы жарым финалдык беттеште кыргызстандык спортчу өзбекстандык Рахима Бекниязова менен беттешип, 1:4 эсебинде жеңилип калган.
 
Жыйынтыктоочу протоколдо кыргызстандык 3-орунду ээлеп, коло медаль тагынды.
 
Эркектер арасындагы турнирде Кыргызстандын курама командасы 6 медаль - 1 күмүш жана 5 коло байгеге ээ болду.