26-28-февраль күндөрү Украинанын борбору Киев шаарында украиналык көрүнүктүү балбандарды жана машыктыруучуларды эскерүү үчүн күрөш боюнча XXIV эл аралык турнирге кыргыз кыз-келиндер курамасы бүгүн, 25-февралда учуп кетишти.
Турнирге Кыргыз өлкөсүнүн атынан башкы машыктыруучу Нурбек Изабековдун жетекчилиги астында 5 балбан кыз катышат. Ал эми эркин күрөш жана грек-рим күрөшү боюнча балбандардын жарымы Киев шаарына жетсе, жарымы бүгүн учушат. Киевде өтө турган турнирге 35 өлкөнүн балбандары катышат.
