Хабибдин Бишкекке качан келери айтылды

UFCнин жеңил салмактагы чемпиону Хабиб Нурмагомедов Кыргызстанга барам деп билдирүү тараткандан бери аны күткөн күйөрмандарынын чыдамы кетүүдө. Спорт жылдызы Бишкекке  2021-жылдын март айында  келе тургандыгын маалымат жыйын учурунда билдирди.

"Чет өлкөгө болгон келишимдердин негизинде иш сапарларыбыз уланып жатат. Кийинки жылдын март айында Бишкекке анан Ташкентке барабыз", - деди ал.

Эскерте кетсек, Хабиб Нурмагомедов эки жыл мурун Бишкекке келгенде аны менен жолугуу үчүн миңдеген күйөрмандар чогулган.