Ошко жаңы жетекчи дайындалды

Элчибек Жантаев президенттин Ош облусундагы ыйгарым укуктуу өкүл болуп дайындалды.
 
Аталган жарлыкка президент кол койгону айтылды. 
 
Джантаев Эльчибек Нуржадыевич 1973-жылы Ысык-Көл облусунун Ак-Суу районунун Советское айылында туулган, 2005-2011-жылдары академик Ж.Алышбаев атындагы Ысык-Көл кооперация институтунан билим алып, “Бухгалтердик эсеп, анализ жана аудит” кесибине ээ болгон.
 
Эмгек жолун 1993-жылы Ак-Суу районунун Кызыл-Кыя орто мектебинин чарба бөлүмүнүн башчысы болуп иштөөдөн баштаган.
 
2021-жылдын 11-майында Кыргыз Республикасынын Айыл, суу чарба жана аймактарды өнүктүрүү министрлигине караштуу Аймактык өнүгүү мамлекеттик агенттигинин директору болуп дайындалган.