Сурабалдиеваны Ташиевден кечирим суроосун Жогору Кеңештин төрагасы Шакиев эмнеге талап кылды?..

 
Жогорку Кеңештин төрагасы Нурланбек Шакиев депутат Эльвира Сурабалдиеваны чакырып, трибунага чыгып, УКМКнын төрагасы Камчыбек Ташиевден кечирим суроосун талап кылган. 
 
Бул тууралуу Эльвира Сурабалдиева Майраш Базлакуновага берген маегинде билдирди.
 
Анын айтымында, бул окуя ноябрдын аягында Ташиев менен болгон оозеки чатактан кийин болгон. Анда Сурабалдиева "Кыргызстанда эки президент бардай сезилерин" айткан болчу.
 
Эл өкүлү өз сөзүндө: "Буга чейин эч жерде айткан эмесмин. Мага парламенттин спикери телефон чалып, трибунадан УКМКнын жетекчисинен кечирим сурашымды айтты. Мен аткаруу бийлигинин өкүлдөрүнөн кечирим суроо үчүн парламентке келген эмесмин. Эл мени акыйкаттыкты айтсын деп шайлаган. Эмнеге мен кечирим сурашым керек эле?.. », - деп белгиледи