Перизат Суранова ооруканага жаткырылды

     Бийликти басып алуу максатында массалык баш аламандык уюштурууга аракет кылган деген айып менен Бишкектеги СИЗО-1де камакта жаткан Кемпир-Абад суу сактагычын коргоо комитетинин мүчөсү Перизат Суранова ооруканага жаткырылды. Бул тууралуу укук коргоочу Азиза Абдирасулова Фейсбук баракчасына билдирди.
 
Бүгүн Перизат Суранова Чүй облустук ооруканасына жеткирилди. Буга чейин ал өлкөнүн Акыйкатчысынан, депутаттардан жана аткаминерлерден ооруканага тез арада жаткырууга көмөктөшүүнү, Кемпир-Абад боюнча камакка алынгандарга карата басмырлоо жана катаал мамиле фактыларын жана СИЗОнун аракеттеринин мыйзамдуулугун текшерүүнү суранган.