Депутаттар министрден 12 жылдык билим берүү боюнча түшүндүрмө берүүнү талап кылышты

 Билим берүү жана илим министри Алмазбек Бейшеналиев мектептерди 12 жылдык билим берүүгө өтүү демилгесин түшүндүрүшү керек. Бул тууралуу Жогорку Кеңештин жыйынында депутаттар Аида Изатбек кызы менен Кундуз Сулайманов билдирди.
 
Алар министрдин демилгеси коомдо кызуу талкууланып жатканын белгилешти.
 
«12 жылдык билим берүүгө өтүүгө даярбызбы? Министрдин сөзүн угушубуз керек», - деди Аида Изатбек кызы.
 
«Мен аны реформатор деп ойлогом. Ал  министрликтеги орун басарларды алмаштыруу менен гана алек», - дейт Кундуз Сулайманов.