Мамкурулуштун мурдагы жетекчиси Бишкектин вице-мэри болду
- 12.03.2022, 15:09,
- Саясат / Жаңылыктар
- 0
Facebook
Вконтакте
Одноклассники
Google+
Бишкек шаарынын мэриясында кадрдык өзгөрүүлөр болду. Бул тууралуу муниципалитеттин басма сөз кызматы билдирди.
«Бактыбек Абдиев борбор калаанын вице-мэри болуп, Максатбек Саргазаков Свердлов районунун, Азамат Дороев Октябрь районунун башчысы болуп дайындалды», — деп айтылат маалыматта.
Тиешелүү буйрукка 11-мартта Бишкек шаарынын мэри Эмилбек Абдыкадыров кол койгону маалымдалды.
Белгилей кетсек, Бактыбек Абдиев «Авангард Проект» курулуш-долбоорлоо компаниясынын директору болгон. Ал Архитектура, курулуш жана турак жай-коммуналдык чарба мамлекеттик агенттигинин жетектеген. Сооронбай Жээнбеков мамлекет башчысы катары анын ишин сынга алып, кызматтан кетүүсүн сунуштаган.
2019-жылы Абдиевди ошол кездеги премьер-министр Мухаммедкалый Абылгазиев Мамкурулушта начар иштегени үчүн да сынга алган. 2019-жылдын февраль айында министрлер кабинетинин отурумунан кийин Архитектура, курулуш жана турак жай-коммуналдык чарба мамлекеттик агенттигинин директору Бакыт Абдиевге сөгүш жарыяланган.
