БУУнун Башкы ассамблеясы Орусиянын Украинага басып киришин айыптап, Орусия Федерациясынан өз аскерлерин Украинанын аймагынан токтоосуз чыгарып кетүүсүн талап кылган “Украинага каршы агрессия” резолюциясын кабыл алды.
141 өлкө "макул", 5 өлкө "каршы": Орусия, Беларусь, Түндүк Корея, Эритрея, Сирия добуш берди.
Калыс 35 мамлекет, анын ичинде: Армения, Кытай, Куба, Индия, Иран, Ирак, Кыргызстан, Монголия, Пакистан, Түштүк Африка, Тажикстан, Вьетнам жана башкалар.
11 өлкө добуш берген жок, анын ичинде: Азербайжан, Марокко, Түркмөнстан, Өзбекстан, Венесуэла жана башкалар.
Калыс же добуш бербеген өлкөлөрдө 4,24 миллиард адам жашайт. Резолюцияны колдогон өлкөлөрдө 3,27 миллиард адам жашайт.
Резолюцияны колдогон өлкөлөрдүн жалпы ИДПсы калыс болгондордон 3 эсе, каршы болгондордон 38 эсе көп.
