«Ата-Журт Кыргызстан» фракциясы акыйкатчы кызматына Атыр Абдрахматованын талапкерлигин сунуштады

 “Ата-Журт Кыргызстан” фракциясы Акыйкатчы кызматына Атыр Абдрахматованын талапкерлигин көрсөтүүдө. Мындай чечим фракциянын 22-февралдагы жыйынында кабыл алынды.
 
Депутат Бакыт Төрөбаевдин айтымында, фракциянын чечими Жогорку Кеңештин Конституциялык мыйзамдар боюнча комитетине жөнөтүлдү.
 
Акыйкатчы кызматы 2021-жылдын күз айларында Токон Мамытов парламенттик шайлоого катышуу үчүн кызматынан кеткенден бери бош турган.