Салык кодекси Куран эмес. Ал өзгөрүүлөргө дуушар болушу мүмкүн. Бул тууралуу бүгүн, 15-февралда маалымат жыйынында министрлер кабинетинин төрагасы Акылбек Жапаров билдирди.
Анын айтымында, товардын кыймылын эсепке алып, көзөмөлгө ала турган учур келди. Ошол эле учурда өлкө президентинин чечими менен жылдык жүгүртүүсү 8 миллион сомго чейин жеткен ишкерлер электрондук эсеп-фактураларды же контролдук-кассалык машиналарды колдонсо, салык төлөөдөн бошотулду.
«Биз патент аларга инвентаризациялык объекттерди жабууга мүмкүндүк берерин түшүнүүдөн баш тартабыз. Патентти жеке ишкерлер гана пайдалана алышат. Мисалы, мага ресторан иштеткендер кайрылышты. Алар кошумча нарк салыгы боюнча босогону алып салууну сунушташты. Бирок анын ордуна 6 пайыздык бирдиктүү салык берилсе, алар бардык салыктарды төлөп, бизнести бөлбөөгө даяр. Коомдук тамактануу жана тейлөө тармагында биз дүйнөлүк принциптерге өтүп жатабыз. Кардарыңыз болсо салык төлөйсүз, жок болсо төлөбөйсүз», - деди Акылбек Жапаров.
Ошондой эле Жапаров айрым ишкерлер салык төлөбөй көнүп калышканын айтты.
«Алар салыктан чоң пайда табабыз деп ойлошот. Аларга кыйын, түшүндүрөбүз, алдыга жылабыз. Бирок биз диалогго жана талкууга даярбыз”, - деп жыйынтыктады ал.
