АКШ кыргыз-тажик чек арасындагы соңку чыр-чатакка тынчсызданууда

 АКШ мамлекеттик департаментинин басма сөз катчысы Нед Прайс кыргыз-тажик чек арасында кайрадан чыр-чатактар болуп жатканына абдан тынчсызданып жатканын билдирди.
 
«Биздин чек арадагы жаӊжалда курман болгондор менен алардын үй-бүлөлөрү жана чек арадагы чырдан улам эвакуациялоого аргасыз болгондорго тынчсызданып жатабыз.  Биз чечилбеген чек ара маселелерин сүйлөшүүлөр жана тынчтык жолу менен чечүүгө чакырабыз», - деди ал.