Казакстандын Алматы шаарындагы тополоңдо жалпы 160 адам каза болгон. анын ичинен 149 адам жөнөкөй жарандардан каза болсо 11и укук коргоо органдарынын кызматкерлери. Бул тууралуу Алматы шаарынын полиция департаментинин башчысы Канат Таймерденов брифингде билдирди.
Анын айтканына караганда , 5-январдан 6-январга караган түнү «согушкерлер» шаардык ички иштер бөлүмүн, Алмалы, Жетисуу, Ауэзов, Бостандык райондук бөлүмдөрүн жана жергиликтүү милиция кызматынын имаратын куралдуу басып алууга аракет кылышкан.
Ал ошондой эле бул күндөрү өлүкканага жети кол салуу болуп, 41 маркумдун сөөгү белгисиз адамдар тарабынан уурдалганын айтты. Демократиялык партиянын имараты таң атканга чейин басылып, снайперлер "террорчулар" тобунда иштешкен, алар жакын жердеги имараттын чатырынан полиция кызматкерлерине ок чыгарган.
«Чабуулдарды курал-жарактарды жана согушуу ыкмаларын жакшы билген, профессионалдуу даярдалган адамдар жасаган. Ошол эле учурда алар каза болгондорду жана жарадарларды калтырбай, өздөрү менен кошо алып кетишти», - деди Таймерденов КТКнын брифингинде.
