“Кыргызкөмүр” мамлекеттик ишканасы Кара-Кечедеги атышуу боюнча маалымат берди

 Кара-Кече көмүр кенинде абал туруктуу, штаттык режимде иштеп жатат. Бул тууралуу «Кыргызкөмүр» мамлекеттик ишканасынын басма сөз кызматы билдирди.
 
Басма сөз кызматы белгилегендей, УКМКнын «Альфа» атайын бөлүгү менен оор жүк ташуучу унаалардын айдоочуларынын ортосундагы окуянын чыгышына үчүнчү күчтөр күнөөлүү.
 
«Окуя бир нече күн мурун болгон. Маалыматтарга караганда, үчүнчү күчтөр «Альфа» кызматын айдоочулар менен кагыштыруу үчүн чагымчыл аракеттерди жасашкан», - деп айтылат маалыматта.