Бишкекте вице-мэр алмашты

 Бишкек шаарынын санариптештирүү жана транспорт боюнча вице-мэри Русланбек Акылбеков ээлеген кызматынан бошотулганын муниципалитеттин маалымат кызматы билдирди.
 
Буйрукка мэр Айбек Жунушалиев кол койду. Белгиленгендей, Акылбеков башка ишке өткөндүгүнө байланыштуу ээлеген кызматынан бошотулган. Башка жарлыкка ылайык, Талайбек Орозов санариптештирүү жана транспорт боюнча вице-мэр болуп дайындалды.