АКШ Бишкектеги 150 ооган студенти үчүн окуу акысын төлөөгө даяр
- 19.08.2021, 10:41,
- Саясат / Жаңылыктар
- 0
Facebook
Вконтакте
Одноклассники
Google+
Тышкы иштер министри Руслан Казакбаев АКШнын Кыргызстандагы убактылуу ишенимдүү өкүлү Алан Мельцерди жана АКШнын Кыргызстандагы миссиясынын башчысынын орун басары Соната Култерди кабыл алды. Бул тууралуу Тышкы иштер министрлиги билдирди.
Анын айтымында, тараптар эки тараптуу күн тартибиндеги актуалдуу маселелерди талкуулашты.
Руслан Казакбаев америкалыктарга казак тарап менен биргеликте Ооганстандан 15 кыргызстандыкты коопсуз түрдө эвакуациялоо үчүн ыраазычылык билдирди. Ал ошондой эле Сирия менен Ирактан келген кыргыздар болгон балдарды жана аялдарды биргеликте эвакуациялоо мүмкүнчүлүгүн табуу темасына токтолду.
Америкалык тарап кыргыз тараптын Ооганстандын жарандарына студенттик виза берүү чечимин оң баалады жана АКШнын ушул этапта Бишкектеги Америка университетинде 150гө чейин ооган студенттерин каржылоого даярдыгын жарыялады.
