Баткенде жаракат алгандардын саны 31 адамга жетип, дагы бир адам каза болду
- 29.04.2021, 20:46,
- Саясат
- 0
Facebook
Вконтакте
Одноклассники
Google+
Саат 20.00гө карата чек арадагы жаңжалдан кийин жардам сурап ооруканага кайрылгандардын саны 32 адамга жетти. Бул тууралуу Саламаттыкты сактоо жана социалдык өнүгүү министринин орун басары Ализа Солтонбекова билдирди.
Алардын ичинен бир адам каза болуп, дагы биринин абалы оор. Бир адам амбулатордук негизде дарыланса, калгандары ооруканага жаткырылган.
«Самаркандек айылындагы ооруканада эки адам жатат. Алардын абалы канааттандырарлык. Дагы экөө Лейлек райондук ооруканасында дарыланууда. Алардын абалы орто оор деп бааланууда. Калган 26 адам денесинин ар кайсы жерлеринен алган жаракаттары менен Баткен аймактык ооруканасына жаткырылды», - деди Ализа Солтонбекова.
