Активист Тилекмат Күрөӊов бир айга камакка алынды. Ал ачкачылык жарыялай турганын айтты

Кармалган активист Тилекмат Күрөӊов бир айга тергөө абагына камалды. Мындай чечимди бүгүн Бишкек шаарынын Свердлов райондук соту кабыл алды.
 
«Бүгүн саат 16:00дөн баштап мен толугу менен ачкачылык жарыялайм», - деди ал.  
 
Эскерте кетсек, активист Тилекмат Күрөӊов 15-мартта кармалган. Белгилүү болгондой, укук коргоо кызматкерлери активисттин фейсбуктагы билдирүүлөрүнөн бийликти күч менен басып алуу чакырыктарын тапкан.