Бишкек шаардык соту жактоочулардын өтүнүчүн канааттандырган жок. Атамбаев камакта калды

 12-мартта Бишкек шаардык соту мурдагы президент Алмазбек Атамбаевдин бөгөт чарасын өзгөртүү боюнча анын жактоочуларынын өтүнүчүн карады. Шаардык сот Биринчи май райондук сотунун чечимин күчүндө калтырып, Атамбаевди үй камагына чыгаруу боюнча арызды канааттандырган жок. Мурдагы президент Алмазбек Атамбаев 7-апрелге чейин камакта калды.
 
Эске салсак, буга чейин Атамбаевдин жактоочулары анын бөгөт чарасын үй камагына алмаштырууну өтүнүп, шаардык сотко кайрылышкан.
 
Ал эми февраль айында Батукевдин ишин караган Биринчи май райондук соту Атамбаевди 7-апрелге чейин камакта калтырган.