Жерүй кенинде жергиликтүү тургундар менен жумушчулардын ортосунда мушташ чыкты

 Жерүй кенинде мушташ чыкты. Бул тууралуу окуянын күбөлөрү социалдык тармактарда билдиришти. 
 
Алардын айтымында, кечээ бир нече жергиликтүү тургундар «Альянс Алтын» компаниясынын өкүлдөрү менен мушташкан. Натыйжада бир адам жаракат алган.
 
Талас ОИИБдин билдирүүсү боюнча, бул билдирүү ШИИБдин маалыматтык электрондук журналына жазылган. Бирок мушташ тууралуу милицияга билдирүү түшкөн эмес. Ички иштер органдары ишти текшере баштады.