Гүлбара Калиева жоопко тартылат. Тартип комиссиясы макулдугун берди

Бүгүн соттор кеңешинин алдындагы тартип комиссиясы Жогорку соттун башчысы Гүлбара Калиеваны кылмыш жоопкерчилигине тартуу маселесин карады. Жолугушууга Калиева өзү жана адвокаты катышкан жок. 
 
УКМКнын тергөөчүсү Замирбек Субаналиев Жогорку соттун төрайымы Кылмыш кодексинин «Коррупция» беренеси менен шектелип жатканын айтты.
 
Комиссия Президенттин кароосуна Гүлбара Калиеваны Жогорку Соттун Төрагасынын кызматынан четтетүү жөнүндө сунуш киргизүүнү чечти. Натыйжада, дисциплинардык комиссия Гүлбара Калиеваны жоопко тартууга макул болду.