Жогорку Соттун төрайымы Гүлбара Калиева камалабы?

Жогорку Соттун төрайымы Гүлбара Калиева “Жергиликтүү сот” системасын ишке ашыруу боюнча коррупциялык схемага шектелип жатканы маалым болду. Башкача айтканда ага мамлекетке 8 миллион сом зыян келтирген ишке тиешеси бар деген кине коюлууда. Эгер Соттор боюнча тартип комиссиясы макулдугун берсе ал камакка алынарын УКМК төрагасы Капмчыбек Ташиев маалымат жыйынында айтты. Мындай айыптоо мыйзамга каршы келет деген жүйөсүн  Жогорку соттун маалымат кызматы таратты. Анда, жарандын айыбы далилденип, сот өкүмү чыкканга чейин шектүү күнөөсүз деп саналары белгиленген.