Үй-бүлөлүк зомбулуктун жазасын күчөткөн мыйзам ЖК комитетинде каралат

Кыргызстанда үй-бүлөлүк зордук-зомбулук күн санап көбөйүүдө. Мындан улам интернет колдонуучулары жазаны күчөтүүнү талап кылып келишкен. Дал ушул көйгөйдү  Жогорку Кеңештин Укуктук тартип, кылмыштуулук менен күрөшүү жана жемкорлукка каршы аракет боюнча комитети 16-февралдагы жыйынында талкууга алат. Алар «Үй-бүлөлүк зомбулук менен күрөш чөйрөсүндөгү айрым мыйзам актыларына өзгөртүүлөрдү киргизүү жөнүндө» мыйзамдын долбоорун үчүнчү окууда карайт. Бул тууралуу Жогорку Кеңештин интернет барагына маалымат жазылды.

Комитет долбоорду жактыргандан кийин парламенттик жалпы жыйынга чыгат, мыйзам күчүнө кириши үчүн аны Жогорку кеңеш колдоп, президент кол коюшу керек.