Канатбек Тургунбеков Финансылык чалгындоо кызматына төрага болуп дайындалды

 
 
Канатбек Тургунбеков Кыргызстандын Финансылык чалгындоо кызматынын төрагасы болуп дайындалды. Бул тууралуу аталган мекемеден билдиришти. 
 
Маалыматка ылайык, буга чейин иштеп жаткан Финансылык чалгын кызматынын төрагасы Гүламжан Анарбаев өз каалоосу менен кызматтан кеткен. 
 
Ал эми жаӊы төрага болуп шайланган Канатбек Тургунбеков 2020-жылы Мамлекеттик каттоо кызматында бөлүм башчы болуп иштеген. Ошондой эле  шайлоо учурунда президент Садыр Жапаровдун штабын жетектеген.  2020-жылы 4-октябрдагы парламенттик шайлоодо “Кыргызстан” партиясынын штабын башкарган.