"Сыйлыктардан эмне пайда?" Депутат Дастан Бекешев Чокоевдин долбоорун жайылтуу керек болчу дейт

Курал Чокоевдин чуу жараткан долбоорунун артындагы талкуу дагы эле кызуу жүрүүдө. Шоу бизнестин бир топ өкүлдөрү Курал Чокоев "Маданияттын мыкты кызматкери" төш белгисинен ажыратылаары менен биринен салаа бири "Сыйлыгыңардын пайдасы жок экен, өткөрүп берем" деп элди уу-дуу кылышууда.

Саясатчылар да бул талкуудан артта калбаптыр. Жогорку Кеңештин депутаты Дастан Бекешев "Долбоорду токтотпой, тескерисинче жайылтуу керек болчу, сыйлыктардан эмне пайда?" деген пикирин өзүнүн социалдык тармактардагы баракчасына жазып чыкты.