Камчыбек Ташиев Алмазбек Атамбаевди абактан ооруканага которууга даяр

 
Улуттук коопсуздук боюнча мамлекеттик комитетинин төрагасы Камчыбек Ташиев эртеӊ экс-президент Алмазбек Атамбаевге жолугушууга барат. Бул тууралуу ал маалымат жыйынында билдирди. 
 
«Алмазбек Атамбаевдин башка кылмыш иштерине катыштыгы бар же жок экени жөнүндө эч нерсе айта албайм. Эртең ага жолугам деп убада бергем. Чынын айтканда, Атамбаевдин ден-соолугу анча жакшы эмес. Эгер эртең да ден соолугу жакшы болбосо мен чечим кабыл алып оорукана же башка жайга которобуз. Ал мыйзам алдында жооп бериши үчүн саламаттыгы керек», - деди Камчыбек Ташиев.