Депутаттар Аида Касымалиеваны кетирип, Гүлкан Молдобекованы алып келебиз деп жатышат

Аида Касымалиеваны  вице-спикерлик кызматтан кетирүү боюнча депутаттар кол чогултуп жатат. Бул маалыматты айрым депутаттар тастыктады. 

"Мен деле кечээ уктум, Аида Касымалиеваны вице-спикерликтен түшүрүүгө кол чогултуп жатышыптыр. Бул маселени КСДП фракциянын жыйынында карай турганы айтылууда. Азырынча буга эмне негиз болуп жатканы белгисиз. Вице-спикерликке Гүлкан Молдобекованы көрсөтүп жатышат", — деди Айсулуу Мамашова.