Каныбек Иманалиев: "Садыр сен от менен ойноп жатсың"

Жогорку Кеңештин депутаты Каныбек Иманалиев жаңыланып, коомдук талкууга коюлган Конституция тууралуу өз оюн билдирди. Анын пикиринде редакцияланган Конституциянын айрым бөлүктөрүн Текебаевдин Конституциясынан көчүрүшкөндөй жана калган бөлүгүн толугу менен Түрменстан мамлекетинин Конституциясынан көчүрүп алгандай таасир калтырат.

Аны колдоп жаткан 80 депутат Конститутцияны редакциялоого таптакыр катышкан эмес, жөн гана кол коюп беришкен. Ал ар бир Президентке жөн эле кол коюп бере берип көнүп калган кесиптештерине кайрылды:

"Урматтуу кесиптештер, ушунун айынан чыр чыкса, сиздер Кыргыз мамлекетин тебелөөгө катышкан саясатчылар катары тарыхта каласыздар" дейт ал. 



Ошондой эле бул Конституция менен жашасак 30га жакын адам гана убайын көрүп, байып, жыргал турмушта жашайт, калган эл таптык эзүүдө турмуш кечиришет экенин кошумчалады.