Сапар Исаков менен Албек Ибраимовго эл аралык издөө жарыяланды

Бишкек шаарынын мурдагы мэри Албек Ибраимов менен мурдагы премьер-министр Сапар Исаковго эл аралык издөө жарыяланды. Бул тууралуу Жаза аткаруу мамлекеттик кызматы билдирди. 
 
Эске салсак, Сапар Исаков менен Албек Ибраимов 6-октябрь түнү митингчилер тарабынан абактан чыгарылган. Жаза аткаруу мамлекеттик кызматы эки саясатчыга берилген өргүү 12-октябрда бүткөнүн, өз эрки менен абакка кайтып  келишпесе, аларга «Жазадан качуу» беренеси менен кылмыш иши козголорун айткан.