Сурактан чыккан Абылгазиев кайсы иш боюнча суракка алынганын айткан жок

Мурдагы премьер-министр Мухаммедкалый Абылгазиев Экономикалык кылмыштарга каршы күрөшүү кызматына сурак берип чыкты.
Кайсы иш боюнча текселип жатканын маалымат каражаттарынны өкүлдөрүнө айткан жок.

"Тергөөнүн сырын ачпоо боюнча тил кат жазып бердим, буга байланыштуу сиздерге маалымат бере албайм", — деди Абылгазиев.

Ал болгону суракка күбө катары чакырылганын белгиледи. Экс-премьер учурда жумушу жок жүргөнүн жана үй-бүлөсү менен Кыргызстанда эле болорун кошумчалады.