Мурунку премьер-министр Абылгазиев Каржы полициясына суракка келди

Бүгүн, 21-октябрда мурдагы премьер-министр Мухаммедкалый Абылгазиев Экономикалык кылмыштарга каршы күрөшүү боюнча мамлекеттик кызматына суракка келди. Анын айтымында, Каржы полициясына кечээ, 20-октябрда чакырышкан.

«Азырынча кайсы иш боюнча чакырышканын билбейм. Чакыруу кагазы боюнча, күбө катары келдим», - деди Абылгазиев.

Имараттын алдында мурдагы премьер-министрдин жакындары жана тарапташтары турушат. Алардын арасында Азиз Абылгазиев, өкмөттүн басма сөз кызматынын мурдагы кызматкерлери Адилет Султаналиев жана Чыңгыз Эсенгул уулу бар.