Балбак Түлөбаев митингде каза болгон Үмүтбектин арбагына багыштап куран окутулаарын айтты

Ысык-Көл облусунда Үмүтбек Алтынбек уулунун арбагына багышталып Куран окутулат. Өкмөттүн Ысык-Көл облусундагы ыйгарым укуктуу өкүлү Балбак Түлөбаев облус казысы Алмаз Сагындыковду кабыл алып, облус аймагындагы мечиттерде жума намаздан кийин 5-октябрдан 6-октябрга караган түнү Бишкек шаарынын «Ала-Тоо» борбордук аянтында жараат алып каза болгон 19 жаштагы Үмүтбек Алтынбек уулуна жана көзү өтүп кеткен ата-бабалардын арбагына багыштап Куран окутууну өтүндү.

Эске салсак, 5-октябрдан 6-октябрга караган түнү Бишкекте болгон баш аламандыкта жаракат алып каза болгон 19 жаштагы Алтынбек уулу Үмүтбек 8-октябрда Лейлек районунун Кара-Булак айылында акыркы сапарга узатылган.