Сооронбай Жээнбеков кызматынан парламенттик шайлоодон кийин кетет

Мамлекет башчы Сооронбай Жээнбеков парламенттик шайлоону өткөрүп, жаңы президентти шайлоо күнүн жарыялап коюп кызматтан кетет. Бул тууралуу президенттин маалымат катчысы Толгонай Стамалиева билдирди.
 
Маалыматка ылайык, бүгүн президент Сооронбай Жээнбеков Садыр Жапаров менен жолуккан. Жолугушууда премьер-министр президентке кызматтан кетүү талабын койгон. Президент учурда кызматтан кетүүгө укугу жок экенин айтып, парламенттик шайлоону өткөрүп, президенттик шайлоону жарыялап, мамлекетте абал турукташкандан кийин кызматын тапшырарын айткан.